11-СЫНЫП ТҮЛЕКТЕРІ ҮШІН МЕМЛЕКЕТТІК АТТЕСТАТТАУ ЕМТИХАНЫ БАСТАЛДЫ

2025 жылдың 30 мамыры күні  мектебімізде ҚР Оқу-ағарту министрлігінің №125 бұйрығына сәйкес, 11-сынып бітіруші түлектері үшін мемлекеттік қорытынды аттестаттау емтиханы бастау алды. Алғашқы сынақ Қазақстан тарихы пәнінен жазбаша емтихан.

Емтихан алдында мектеп директорды Эльмира Абишева  түлектерге жылы лебізін білдіріп, сенімділік пен сабыр тілей келе, олардың әрқайсысының мектеп қабырғасында алған білімі мен тәрбиесін лайықты көрсететініне сенім артты.

Емтихан санитарлық талаптарға сай, арнайы бекітілген ережелер мен нұсқаулықтарға сәйкес ұйымдастырылып, академиялық адалдық талаптарға сай өткізілуіне барлық жағдай жасалды.

11-сынып білім алушылары үшін мемлекеттік аттестаттау емтихандары 30 мамыр - 16 маусым аралығында өткізіледі.

Бұл кезең тек мектеп бітіру емес, болашақ мамандықтың іргетасын қалаудың бастауы. Еліміздің дамуына үлес қосатын азамат болуға ұмтылатын түлектерімізге тек сәттілік тілейміз!